Sot Kosova feston 15 vjetorin e Pavarësisë.

Kreu i PDK-së, Memli Krasniqi për nder të kësaj date ka vizituar Prekazin, ku tha se jemi sot në ditën më të shënuar të popullit të Kosovës, në ditën e Pavarësisë së shtetit tonë pikërisht këtu në Prekaz, në kompleksin memorial të familjes Jashari, sepse liria dhe pavarësia jonë kuptimin e plotë e merr pikërisht këtu në vendin ku i ka rrënjët liria e Kosovës, raporton arbresh.info

“ Jemi sot në ditën më të shënuar të popullit të Kosovës, në ditën e Pavarësisë së shtetit tonë pikërisht këtu në Prekaz, në kompleksin memorial të familjes Jashari, sepse liria dhe pavarësia jonë kuptimin e plotë e merr pikërisht këtu në vendin ku i ka rrënjët liria e Kosovës. Sot dhe çdoherë, po në mënyrë të veçantë në këtë ditë të shënuar të kombit tonë, para së gjithash i kujtojmë me pietet të gjithë dëshmorët e kombit, të gjithë dëshmorët të luftës së lavdishme të ushtrisë çlirimtare të Kosovës, të gjithë veteranët, invalidët dhe të gjithë njerëzit që kanë sakrifikuar në rrugën e lirisë sonë. Padyshim në këtë ditë të madhe na mungojnë themeluesit dhe udhëheqësit e Ushtrisë Çlirimtare të Kosovës, në mënyrë të veçantë Hashim Thaçi, Kadri Veseli, Jakup Krasniqi, Rexhep Selimi dhe të tjerët që sot edhe pse fizikisht i kemi larg duke u ballafaquar me betejën e fundit për të vërtetën e luftës sonë të lavdishme, vërtetë i kemi në zemër në çdo moment. Gëzuar ditën e Pavarësisë të gjithë qytetarëve të Kosovës. E paçim Kosovën tonë për jetë e mot!”, tha Krasniqi. /arbresh.info/